«Адал Азамат» бағдарламасын іске асыру аясында

1-сыныпта «Суды үнемді пайдалану» сынып сағаты

Сабақтың мақсаты – оқушыларға судың адам өміріндегі маңызын түсіндіру, суды үнемдеп пайдалануға үйрету және табиғатты қорғауға тәрбиелеу.

Сынып сағаты барысында оқушылар судың тіршілік көзі екенін білді. Олар суды күнделікті өмірде қалай пайдаланатынын айтып, суды үнемдеудің қарапайым жолдарымен танысты. Атап айтқанда, тісті жуған кезде кранды жауып қою, суды босқа ағызбау, қол жуғаннан кейін суды тоқтату керектігі айтылды.

Балалар тақырыпқа байланысты сұрақтарға жауап беріп, өз ойларымен бөлісті. Сергіту сәтінде «Жаңбыр тамшылары» ойынын ойнап, белсенділік танытты.

Сабақ соңында оқушылар:

«Су – тіршілік көзі!»

«Суды үнемдеу – әр адамның міндеті!» деген қорытындыға келді.

Табиғатты аялау, суды үнемдеу – әрбір адал азаматтың борышы.