Аналар кеңесінің ұйымдастыруымен жас үйленбеген жігіттер арасында «Жас жұбайларға ысырапшылдық емес, ынтымақтастық қажет» тақырыбында әңгіме-баяндама өткізілді. Іс-шараның мақсаты – жастардың болашақ отбасылық өмірге саналы әрі жауапкершілікпен қарауын қалыптастыру.

Кездесу барысында отбасындағы қаржылық сауаттылық, табысты тиімді жоспарлау, ысырапшылдықтың алдын алу, ерлі-зайыптылар арасындағы өзара түсіністік пен бірлесіп шешім қабылдаудың маңызы жан-жақты талқыланды. Қатысушылар ысырапшылдықтың отбасы тұрақтылығына кері әсер ететінін айтып, ынтымақтастық пен келісім берік шаңырақтың негізгі тірегі екенін атап өтті.

Аналар кеңесі ұрпақ тәрбиесі мен отбасы құндылықтарын нығайту бағытында жүйелі жұмыстар жүргізіп келеді. Бұл кездесу де – сол жұмыстардың жалғасы. Жастарға бағыт-бағдар беріп, ұлттық құндылықтар мен отбасылық жауапкершілікті насихаттау – кеңестің басты міндеттерінің бірі.

Осындай тағылымды кездесулер жас буынның болашақта саналы, жауапты азамат және үлгілі отағасы болуына ықпал етеді.

Жауапты: Аналар кеңесінің төрайымы Шарипова Р.С.