«Адал азамат» бағдарламасын іске асыру аясында 13 ақпан күні 10–11 сынып оқушыларына арналған «Суды үнемде — болашақты сақта» тақырыбында бірыңғай сынып сағаттары өткізілді.
Іс-шара онлайн-форматта ұйымдастырылып, дөңгелек үстел форматында өтті.
Кездесудің құрметті қонақтары ретінде Нұржан Нұржігітов – Қазақстан Республикасының Су ресурстары және ирригация министрі, сондай-ақ Катаржина Вавьерниа – БҰҰ Даму бағдарламасы (ПРООН) Қазақстандағы Тұрақты өкілі қатысты.
Қонақтар су үнемдеу технологияларын қолдану саласындағы инновациялық тәжірибелердің маңыздылығы мен басымдығын атап өтіп, суды Қазақстанның стратегиялық ресурсы ретінде ұқыпты пайдалану қажеттігіне тоқталды.
Іс-шараның негізгі мақсаты – білім алушылардың суға деген саналы көзқарасын қалыптастыру және білім беру ұйымдарының «Адал азамат» бағдарламасын жүзеге асыруға қосып отырған үлесін тәжірибеге бағытталған, инновациялық оқыту форматтары арқылы көрсету.
Суды үнемдеу – ортақ жауапкершілік. Болашақ бүгінгі іс-әрекетімізден басталады!